О, Пречестный и Живоворящий Кресте Господень, помогай нам!

Прииди́те, ве́рнии,/ Животворя́щему Дре́ву поклони́мся,/ на не́мже Христо́с, Ца́рь сла́вы, во́лею ру́це распросте́р,/ вознесе́ на́с на пе́рвое блаже́нство,/ и́хже пре́жде сла́стию укра́д вра́г,/ изгна́ны от Бо́га сотвори́./ Прииди́те, ве́рнии, Дре́ву поклони́мся,/ и́мже сподо́бихомся неви́димых вра́г сокруши́ти главы́./ Прииди́те, вся́ оте́чествия язы́к,/ Кре́ст Госпо́день пе́сньми почти́м:/ ра́дуйся, Кре́сте, па́дшаго Ада́ма соверше́нное избавле́ние,/ о тебе́ ве́рнии хва́лятся,/ я́ко твое́ю си́лою исма́ильтеския лю́ди держа́вно покаря́юще./ Тебе́ ны́не со стра́хом христиа́не целу́ем,/ на тебе́ пригвозди́вшагося Бо́га сла́вим, глаго́люще:/ Го́споди, на то́м пригвозди́выйся, поми́луй на́с,// я́ко Бла́г и Человеколю́бец. Стихира на поклонение Честному Кресту.